ਸੱਸੀ ਥਲਾਂ ਵਿੱਚ ਸੜੀ ਲਿਖੇ ਬਹੁਤਿਆਂ ਨੇ ਕਿੱਸੇ , ਤੱਤੀ ਤਵੀ ਉੱਤੇ ਬੈਠਾ ਥੋਡੇ ਕਾਹਤੋਂ ਯਾਦ ਨਹੀਂ
ਪੱਟ ਚੀਰ ਕੇ ਖੁਆਵਉਣ ਵਾਲਾ ਚੇਤੇ ਮਹੀਂਵਾਲ , ਸੀਸ ਤਲੀ ਤੇ ਟਿਕਾਉਣ ਵਾਲਾ ਕਾਹਤੋਂ ਯਾਦ ਨਹੀਂ,
ਵੰਡ ਕੋਟੀਆਂ ਤੇ ਕਾਪੀਆਂ ਜੋ ਬਣੇ ਰਹੇ ਦਾਨੀ , ਸਰਬੰਸ ਲੇਖੇ ਲਾਉਣ ਵਾਲਾ ਕਾਹਤੋਂ ਯਾਦ ਨਹੀਂ ।
ਸਿੱਖ ਪੰਜ -ਸੱਤ ਰਾਹ ਅਖਵਾਉਂਦੇ ਤਾਨਸੈਨ , ਤੇ ਰੱਬਾਬ ਨਾਲ ਗਾਉਣ ਵਾਲਾ ਕਾਹਤੋਂ ਯਾਦ ਨਹੀਂ
ਪਾਈ ਗੰਗੂ ਦੀ ਗਦਾਰੀ ਸਾਰੀ ਪੰਡਿਤਾਂ ਦੇ ਹਿੱਸੇ , ਬੰਦ ਬੰਦ ਕਟਵਾਉਣ ਵਾਲਾ ਕਾਹਤੋਂ ਯਾਦ ਨਹੀਂ ।
ਸੁਖਨੈਬ ਸਿੰਘ ਸਿੱਧੂ